Nakadungog Ka Na Ba Sa Upat Ka Espirituhanong Lagda?
1. Ang Dios NAHIGUGMA kanimo ug siya adunay maanindot nga PLANO alang sa imong kinabuhi.
Ang Gugma Sa Dios
"Kay gihigugma sa Dios ang kalibutan sa pagkaagi nga iyang gihatag ang iyang bugtong nga Anak, aron bisan kinsa nga mosalig Kaniya, dili mawala kondili may kinabuhing dayon." (Juan 3:16)
Ang Plano Sa Dios
(Uban ni Cristo nga nagsulti) "Ako mianhi aron sila makabaton ng kinabuhi, ug sa pagkabaton niini, sa madagayaon gayud" (aron mapuno ug mahimong mahinungdanon). (Juan 10:10)
Ngano man nga kasagaran sa mga tawo karon wala makasinati niining kinabuhi nga madagayaon?
2. Ang tawo MAKASASALA ug NAHIMULAG sa Dios busa, tungod niini,dili siya makahibalo ni makasinata sa gugma ug plano sa Dios alang sa iyang kinabuhi.
Ang Tawo Makasasala
"Saglit nakasala man ang tanan ug nawad-an sa himaya sa Dios."(Taga Roma 3:23)
Ang tawo gibuhat aron makig-ambit sa Dios. Apan tungod sa iyang kinaugalingong pagsupak sa Dios, nabugto ang ilang maayong pakigdait. Kining kinaugalingong pagsupak nga gikiniya sa aktibong pagrebelde o hilom nga pagkaindeperente sa tawo batok sa Dios mao'y ilhanan sa sala sa kinabuhi sa tawo sumala sa Biblia.
Ang Tawo Nahimulag
"Ang bayad sa sala mao ang kamatayon" (espirituhanong pagkahimulag sa Dios). (Taga Roma 6:23)
Ang Dios balaan ug ang tawo makasasala. Usa ka dakung bung-aw nag-ulang sa duha. Ang tawo nagasulay sa tawhanong pagpanglimbasog sa pagkabot sa Dios ug pagbaton sa kinabuhing madagayaon pinaagi sa maayong kinabuhi, pamatasan, filisofiya, ug reliiyon.
Ang ikatulong lagda makahatag kanato sa bugtong tubag niini nga problema.
Ang Dios balaan ug ang tawo makasasala. Usa ka dakung bung-aw nag-ulang sa duha. Ang tawo nagasulay sa tawhanong pagpanglimbasog sa pagkabot sa Dios ug pagbaton sa kinabuhing madagayaon pinaagi sa maayong kinabuhi, pamatasan, filosofiya, ug reliiyon.
Ang ikatulong lagda makhatag kanato sa bugtong tubag niini nga problema...
3. Si Cristo Jesus LAMANG ang bugtong gihatag sa Dios alang sa kapsayloan sa atong � mga sala pinaagi ni Jesus, imong mahibaloan ug masinati ang gugma ug plano sa Dios kanimo.
Siya Nagpakamatay Puli Kanato
"Apan ang Dios nagapadayag sa Iyang gugma kanato pinaagi niini nga bisan sa mga makasasala pa kita, si Cristo namatay alang kanato."(Taga Roma 5:8).
Nabanhaw Siya Gikan Sa Mga Minatay
"Si Jesus namatay alang sa atong sala, sumalo sa kasulatan. Siya gilubong. Siya nabanhaw sa ikatulo ka adlaw ug nagpakita Siya ngadto kang Pedro, unya ngadto sa napulo ug duha. Unya mipakita Siya ngadto sa kapin sa lima ka gatus ka mga igsoon."(I Corinto 15:3-6)
Si Jesus Mao Lamang Ang Dalan
"Si Jesus miingon kaniya 'Ako mao ang dalan ug ang kamatuoran ug ang kinabuhi, wala'y bisan kinsa nga makadto sa Amahan gawas kon pinaagi Kanako."(Juan 14:6)
Ang Dios nagbutang ug taytayan sa bungaw nga nagbulag kanato gikan Kaniya pinaagi sa Iyang pagpadala sa Iyang bugtong Anak, nga si Jesus, nga nagpakamatay puli kanato.
Dili igo ang pagkahibal lamang niining tulo ka mga lagda...
4. Ang matag usa kanato kinahanglan nga� MODAWAT kang Cristo ingon nga ginoo ug manluluwas; sa diha nga atong buhaton kini, atong mahabaluan ug masinati ang gugma sa Dios ug plano niya alang sa kinabuhi.
Kinahanglan Atong Dawaton Si Jesus
"Apan sa tanang modawat Kaniya, sa tanang mitoo sa Iyang ngalan, kanila naghatag Siya'y gahum sa pagkahimog mga anak sa Dios."(Juan 1:12)
Atong Madawat Si Jesus Pinaagi sa Pagtoo
"Kay tungod sa grasya kamo nangaluwas pinaagi sa pagtoo ug dili sa inyong kaugalingong kahimuan, kini hatag sa Dios, dili tungod sa binuhataan aron wala'y bisan kinsa nga magpasigarbo."(Efreso 2:8-9)
Atong Madawat Si Jesus Pinaagi Sa Personal Na Pagdapit
(Si Cristo nag-ingon), "Tan-awa, nagatindog ako sa pultahan ug nagatultok; kon may magpatalinghung sa akong tingog ug moabli sa pultahan kaniya mosulod Ako.." (Pinadayag 3:20)
Ang pagdawat kang Cristo naglabut sa pagtalikod sa kaugalingon ug pagduol ngadto sa Dios. Kini nagpasabut nga saligan nato si Cristo sa pagsulod sa atong kinabuhi ug sa pagpasaylo sa atong mga sala, ug sa paghimo kanatong katawhan sumala sa Iyang kabubut-on. Dili igo ang pag-uyon sa tanan niyang gi-angkon sa hunahuna lamang. Dili esab igo ang kasinati-ang emosyonal.
Kining duha ka mga sirkulo naghulagway sa duha ka matang sa kinabuhi.
KINABUHING KINAUGALINGON (KINABUHI NGA GIGAMHAN SA KAUGALINGON) AKO, kaugalingon nga mao'y naghari sa trono sa kinabuhi.
Si Cristo wala'y labut sa iyang kinabuhi.
Mga interes nga gigamhan sa kaugalingon, miresulta sa kagubot ug kapakyasan.
�
KINABUHING CRISTOHANON (KINABUHING GIHARI-AN NI CRISTO)
Ako, kaugalingon gipaubos.
Si Cristo mao'y nagagahum ug nagalingkod sa trono.
Mga interes nga gigamhan sa dili masayop nga Dios nahimong haum ug uyon sa
plano sa Dios.
Hain niining duha ang naghulagway sa imong kinabuhi?
Hain niining duha ang gusto nimong maghulagway sa imong kinabuhi?
Ang mosunod magpahayag unsaon sa pagdawat mo kang Cristo.
Imong madawat si Cristo karon dayon pinaagi sa pag-ampo nga may pagtoo.
(Ang pag-ampo mao ang pagpakigsulti sa Dios)
Ang Dios nasaud sa imong kasingkasing, ug wala Siya mag-apas sa imong mga pulong, kondili sa pakamatinod-anon� sa imong kasingkasing. Kining mosunod mao'y usa ka sugyot nga may pagtoo.
"Ginoong Jesus, gikinahanglan ko Ikaw. Ako karon nag-abli sa pultahan sa akong kinabuhi ug dawaton ko ikaw nga akong Manluluwas ug Ginoo. Salamat sa Imong pagpasaylo sa akong mga sala. Gamhi ang trono sa akong kinabuhi. Ilimoa ako sumala sa Imong kabubut-on. Amen."
Kining pag-ampo mao ba ang tinguha sa imong kasingkasing karon?
Kong ugaling mao, sunda kini ingon nga imong pag-ampo sa pagdapit kang Jesu-Cristo karon dayon, ug si Cristo mosulod gayud sa imong kinabuhi sumala sa Iyang pasalig o saad.
Karon nga imo nang gidawat si Kristo...