NBjale o ka ge amogetse Kriste...
O ka tseba bjang gore kriste o tsene bophelong bja gago?
A o amogetse Kriste bophelong bja gago? Go ya ka tshephiso ya gagwe go
B.Kutullo 3:20, a Kriste o go kae go wena? Kriste o rile o tla tsena bophelong bja gago. A o tla go fora? A o tseba ka maatla afe gore Kriste o arabile thapelo ya gago? (Ka botshephegi bja Modimo ka boyena le lentsu la gagwe).
Bibele e tshephisa bophelo bjo bo sa felego go bao ba amogelang Kriste
"Gomme bohlatse ke bjo, gore Modimo o re file bophelo bjo sa felego, mme bophelo bjo bo Morweng wa gagwe. Yo a nang le Morwa o na le bophelo; eo a se nang Morwa wa Modimo ga a na bophelo. Dilo tse ke le ngwaletse tsona lena bao le dumelang leineng la Morwa wa Modimo, gore le tsebe gore le na le bophelo bjo bo sa felego" (1 Johane 5:11-13).
Leboga Modimo ka mehla ge Kriste a le bophelong bja gago, le ge a ka se go tlogele le gatee (Baheberu 13:5). Ka tshephiso ya gagwe, o ka tseba gore Kriste yo a phelang o ka gare ga bophelo bja gago, le gore o na le bophelo bjo sa felego go tloga motsotsong woo o mo amogelang. A ka se ke a go foraforetsa.
Kgopotso ye bohlokwa...
Se tshephe maikutlo
Maatla a rena ke tshephiso ya Lentsu la Modimo, e seng maikutlo. Mokriste o phela ka tumelo (tshepho) botshepheging bja Modimo ka boyena, gotee le Lentsu la gagwe. Seswantsho sa setimela se laetsa kamano gare ga nnete (Modimo le lentsu la gagwe), tumelo (tshepho ya rena go Modimo le lentsu la gagwe), le maikutlwelo (poelo ya tumelo ya rena le go kwa).Bala (B. Johane 14:21).
Setimela se ka kitima ntle le bene ya mohlokomedi. Empa, e ka ba ka lefeela go leka go goga terene ka bene ya mohlokomedi. Ka tsela e bjalo, rena, bjalo ka baKriste, ga re itshetlege ka maikutlwelo goba khuduego ya moya; empa re bea tumelo (tshepho) botshepheging bja Modimo le ditshephisong tsa lentsu la gagwe.itshetlege ka maikutlwelo goba khuduego ya moya; empa re bea tumelo (tshepho) botshepheging bja Modimo le ditshephisong tsa lentsu la gagwe.
Bjale ka ge o amogetse Kriste
Go tloga motsotsong oo o amogetsego Kriste ka tumelo, go diregile dilo tse ntsi tsa go swana le tse latelago:
- Kriste o tsene bophelong bja gago (Kutullo 3:20 ; Bakolose 1:27).
- Lebaletswe dibe tsa gago (Bakolose 1:14).
- Dirilwe ngwana wa Modimo (Johane 1:12).
- Amogetse bophelo bjo bo sa felego (Johane 5:24).
- O thomile go phela bophelo bjoo Modimo a go bopetsego bjona (Johane 10:10; 2 Bakorinthe 5:17 ; 1 Bathesalonika 5:18).
A, o ka gopola ka se sengwe se bohlokwa seo se ka go diregelago go feta go amogela Kriste? A o ka rata go leboga Modimo thapelong gonabjale ka seo a go diretsego sona? Ka go leboga Modimo o laetsa tumelo ya gago.
Go ipshina ka bophelo bjo bo tletsego...
Ditshisinyo mabapi le go godisa bokriste
Go gola ka tsela ya semoya go hlolwa ke ge Mokriste a tshepha Jesu Kriste. "Moloki o tlo phela ka tumelo" (Bagalatia 3:11). Bophelo bja tumelo bo tla go kgontsha go tshepha Modimo ka karolo tsohle tsa bophelo bja gago le go phetha dilo tsa go swana le tse:
Thapelo go Modimo ka thapelo ka mehla o (Johane 15:7).
Go bala Go bala Lentsu la Modimo ka mehla (Ditiro 17:11); thomisa ka Ebangedi ya Johane.
Boikokobetso Go ikokobetsa pele ga Modimo ka nako tsohle (Johane 14:21).
Bohlatse Go hlatsela Kriste ka dipolelo le mesepelo ya gago (Mateo 4:19; Johane 15:8).
Tshepho Go tshepha Modimo ka karolo tsohle tsa bophelo bja gago (1 Petro 5:7).
Boineelo A Go dumela Moya - o Mokgethwa go go laola le go go nea maatla a go hlatsela Kriste (Bagalatia 5:16,17; Ditiro 1:8).
Go Baherebe 10:25, re eletswa gore, "Re se ngale phuthego ya geso..." Dikgong tse ntsi di tuka botse gammogo; empa ge serumula se sengwe se ka beelwa thoko, se a tima. Go bjalo le ka kopano ya gago le BaKriste ba bangwe. Ge o sa tsene kereke, se emele bangwe gore ba go laleletse. Tsea dikgato o ikopanye le moruti wa kereke ya kgauswi yeo mo go yona go hlomphiwago Kriste ge go rerwa Lentsu la Gagwe. Thoma beke yona ye, o ikopanye le phuthego ka mehla.
Tse di ka thusago go godisa bokriste.