jesus image

A o kwele ka Melao ya Mene ya Semoya na?

Na Jesu wa Natsaretha ke mang go wena? Bophelo bja gago bja mo lefaseng esita le bophelo ba gago bjo bo sa felego bo angwa ke karabo ya gago go potsiso ye.

1. Modimo o a go RATA, gomme o na le LEANO le lebotse ka bophelo bja gago.

(Ditshupetso tsohle pukwaneng ye di swanetse go balwa mo Bibeleng moo go kgonegago.)

Lerato la  Modimo
"Gobane Modimo o ratile lefase gakaakaa, a ba a le nea Morwa wa gagwe yo a tswetswego a nnosi, gore mang le mang e a mo dumetsego a se ke a lahlega, a be le bophelo bjo bo sa felego""
(Johane 3:16).

Leano la Modimo
[Go bolela Kriste] "Se nna ke se tletsego ke gore di be le bophelo le mokhora" (Johane 10:10).

Ke ka baka la eng ge batho ba bantsi ba sa phele bophelo bjo bo tletsego?
Gobane...

2. Motho ke MODIRADIBE, gape o AROGANE le Modimo. Ka baka leo o hlaela go tseba le go itemogela lerato le leano la Modimo ka bophelo bja gago.

Motho Ke Modiradibe
"Gobane moo ga go tlhaolo; ba dirile dibe bohle, ba hlaya letago la Modimo" (Baroma 3:23). Motho o bopetswe go ba le setswalle le Modimo; eupsa, ka baka la go se kwe, o ile a ikgethela tsela ya gagwe, gomme setswalle sa gagwe le Modimo sa senyega. Go se kwe ga gagwe go laetswa ke go se ikokobetse pele ga Modimo, esita le go hlokomologa Modimo, gomme se ke bohlatse bja seo Bibele e se bitsago sebe.

Motho O Arogane Le Modimo
"Gobane moputso wa sebe ke lehu,..." (karogano le Modimo ka moya)  (Baroma 6:23).

law2.gif (2938 bytes)

Tshwantsho ye e bontsha gore Modimo ke yo mokgethwa, mola motho e le modiradibe. Sekgala se segolo se arogantsha motho le Modimo. Metsu e bontsha gore motho o tsama a leka go iphihlisa go Modimo le bophelong bjo bo tletsego. O leka ka maatla ka go phela bophelo bjo botse, ka go ithuta le ka go direla Modimo - eupsa tsohle tse di a pala.

Molao wa boraro o re fa tharollo ya bothata bjo...

3. Jesu Kriste ke YENA FELA tharollo ya Modimo ya bothata bja sebe sa motho. Ka yena o ka tseba, gomme wa itemogela lerato la Modimo le leano la gagwe ka bophelo bja gago.

O Hwile Bakeng Sa Rena
"Gomme Modimo, lerato le a re ratilego ka lona, o le bonagatsa ka ge Kriste a re hwela re sa le badiradibe" (Baroma 5:8).

O Tsogile Bahung      
"Kriste o hwile ka baka la dibe tsa rena...O fihlilwe, a tsoga ka letsatsi la boraro ka mo mangwalo a bolelago. Gomme o bonwe ke Kefase, a tla a bonwa ke ba lesome le metso e mebedi. A busa a bonwa ke bana beso ba ba makgolo a mahlano..."

(1 Bakorinthe 15:3-6).


Ke Yena Fela tsela ya go ya Modimong
Jesu a re: "Tsela ke nna, le thereso, le bophelo. Ga go e a tlago go Tate ge e se ka nna"  (Johane 14:6).

law3.gif (3126 bytes)

Tshwantsho ye e bontsha gore Modimo o tswaletse sekgala seo se re arogantshago le yena ka go romela Morwa wa gagwe, Jesu Kriste, go re hwela sefapanong. Ka go dira bjalo, a re lefela dibe tsa rena.

Ga go a lekana go no tseba melao ye meraro ye...

4. Rena, ka o tee ka o tee, re swanetse GO AMOGELA Jesu Kriste bjalo ka Mopholosi le Morena. Gona re tla tseba gape ra itemogela lerato la Modimo le leano la gagwe ka maphelo a rena.

Re Swanetse Go Amogela Kriste
"Fela, bohle ba ba mo amogetsego o ba neile maatla a go ba bana ba Modimo. Ke bao ba dumetsego leina la gagwe" (Johane 1:12)

Re Amogela Kriste Ka Tumelo
"Le bapholoswa ka kgaugelo ka tumelo; ga la ka la ipholosa, e fo ba mpho ya Modimo. Ga la ka la e bona ka mediro, gore go se be le e a kago itumisa" (Baefeso 2:8,9).

Ge Re Amogela Kriste, Re Tswalwa Lefsa
(Bala Johane 3:1-8.)

Re Amogela Kriste Ka Go Mo Laletsa
[Go bolela Kriste] "O tsebe gore ke eme mojako, ke a opaopa. Ge motho a ekwa lentsu la ka a bula mojako, ke tlo tsena go yena ka lalela naye, yena a lalela le nna" (Kutollo 3:20).

Re amogela Kriste ge re ipolela dibe ra gomela go Modimo, gomme ra tshepha Kriste gore a tsene maphelong a rena, a re swarele dibe tsa rena, gomme a re dire seo a ratago gore re be sona. Go fo dumela ka tlhaologanyo gore Kriste ke morwa wa Modimo, le go re o re hweletse dibe tsa rena mo sefapanong, ga go a lekana. Le gona, ga go a lekana go no huduega mo moyeng. Re amogela Kriste ka boikemisetso le kholofelo.

Diswantsho tse di emetse mehuta e mebedi ya maphelo:

law41.gif (4851 bytes)

MOTHO
YO A ITAOLAGO

MOTHO o a itaola gomme o itseela madulo a bogosi

Montho o a itaola, gomme gantsi o itlholela mathata

Kriste o ka ntle ga bophelo bja montho


 

law42.gif (4734 bytes) MOTHO
YO A LAOLWAGO KE KRISTE

Kriste o amogetswe, gomme madulo abogosi a tsewa ke yena

Motho o ineetse gomme o emetse ka thoko

Bophelo bo laolwa ke Kriste gomme go hlolwa kwano le leano la modimo

Ke seswantsho sefe seo se emetsego bophelo bja gago?

Ke seswantsho sefe seo o ratago gore se emele bophelo bja gago?

Tse di latelago di hlalosa ka moo o ka amogelago Kriste ka gona:

O Ka Amogela Kriste Gonabjale Ka Tumelo E Laetswago Ke Thapelo
(Thapelo ke poledisano ya rena le Modimo)

Modimo o tseba seo se lego ka pelong ya gago, gomme o se amogela go feta seo se tswago molomong wa gago. O ka rapela thapelo e latelago:

"Morena Jesu, ke a go hloka. Ke leboga ge o lefile dibe tsa ka ka go nkhwelela sefapanong. Ke go bulela mojako wa bophelo bja ka, gomme ke go amogela bjalo ka Mopholosi le Morena. Ke leboga ge o ntshwaretse dibe tsa ka gomme wa nnea bophelo bjo bo sa felego. Tsea taolo ya bophelo bja ka, gomme o ntire seo o ratago ke be sona."

Na thapelo ye e tsweletsa kganyogo ya gago?
 

Ge go le bjalo, e rapele gonabjale, gomme Kriste o tla tsena bophelong bja gago bjalo ka ge a tshephisitse.

NBjale o ka ge amogetse Kriste...

IKOKELETSE TSHEDIMOSO